Qatar lalin India a rawn tlawh dawn

Qatar lal, Sheikh Tamim Bin Hamad Al-Thani chuan vawiin, Thawhṭanni hian ni hnih cham turin India a rawn tlawh dawn.

India rama a cham chhung hian prime minister Narendra Modi nen ram pahnih thawhdunna tur hrang hrang sawiin inkawmna an hmang dawn niin Ministry of External Affairs(MEA) chuan a tarlang. Al-Thani rual hian an ram a mi pawimawh tak tak high-level deligation, minister, senior official leh sumdawng aiawhten an rawn zui dawn a ni. India a rawn tlawh hian ram pahnihte thawhdunna leh inṭhianṭhat na an neihte a tih ngheh lehzual rin a ni. India ram a tlawh vawi hnihna tur niin, kum 2015 khan a rawn zin tawh a ni.

February 18 hian Rashtrapati Bhavan-ah Al-Thani lawmna hun hi hman a ni dawn a, President Droupadi Murmu nen inkawmin zanah President hian zanriah a buatsaih sak bawk ang.

Ministry of External Affairs chuan India leh Qatar hi hun rei tak inṭhianhṭhat leh inrintawnna kawnga inzawmna nghet tak lo neih tawh an ni, a ti. Tun hnaiah insumdawn tawnna, investment, energy, tecnology, culture leh ram pahnih mipuite inkarah pawh an inzawmna hi tih ngheh chhoh zel a nih thu a tarlang.