Mother Teresa mi thianghlimah puang

Roman Catholic Kohhran hruaitu, Pope Francis chuan nimin khan mi rethei leh chhum≠chhiate tana a hun puma rawngbawltu, Mother Teresa chu mi thiang≠hlimah a puang ta.

Vatican City-a St Peter's Square-a Mother Teresa mi thianghlima puanna inkhawm buatsaihah hian mi nuai khat chuang an tel a, Mother Teresa hnathawh ngaisangtu Kristian ni lo tam tak pawh an tel a ni.

Nimina Mother Teresa puala inkhawm buatsaihah hian a pawl din, Missionaries of Charity-a sister rualte an tel a, anni bakah hian ram leh sorkar hruaitu mi 13 leh chenna nei lo mi 1,500 zet chu tlar hma lamah ṭhuttir an ni. Mi thianghlim puanna inkhawm buatsaiha tel zingah hian Spain ram lalnu, Queen Sofia pawh a tel a, India ram aṭangin External Affairs Minister Sushma Swaraj, West Bengal Chief Mi≠nister Mamata Banerjee leh Delhi Chief Minister Arvind Kejriwal-te pawh an tel.

Mother Teresa mi thianghlima puanna inkhawm Vatican-a hman a nih lai hian, a rawngbawlna hmun Kolkta khawpuia Mother House-ah pawh special Mass buatsaih a ni a, Mother House-a Mother Teresa thlanah nun-te'n
ṭawngṭaina hun an hmang bawk. Mi thianghlima puan inkhawm zawh hnu hian Sisters of Charity volunteer-te chuan India ram hmun hrang hrangah Catholic parish-ah mi retheite tan a thlawnin eitur an buatsaih sak.