President-in naupangte a zirtir

Nimin khan ram pumah zirtirtu ni, Teachers' Day hman a ni. He ni pual hian President Pranab Mukherjee chuan Rashtrapati Bhawan-ah Dr Rajendra Prasad Sarvodaya Vidyalaya zirlai naupangte lekha a zirtir.

President class lakah hian zirlai naupang 80 vel an tel a, Class 11 leh 12 zirlaite an ni.

President Mukherjee hian nimin khan rampuma zirtirute tana thu≠chhuah tichhuakin, zirtirtute chu an zirlai naupangte hnenah dawhtheihna leh midangte ngaih theihna tuh turin a chah.

Mukherjee chuan a twitter-ah he thu hi tarlangin, "Zirtirtu chuan a zirlaite hnenah inpekna hlutzia te, dawhtheihna, midangte ngaihtheihna, mi hriatthiamna leh lainatna a tuh tur a ni" a ti. Zirtirna ṭha chu khawtlang hmasawnna innghahna lungpui a ni tiin, zirtirtu ṭha chuan a zirlaite thil tum chu khawtlang leh ram tana an rawngbawlna tur nen a thlunzawm sak ṭhin a ni, a ti.

President hian politics a luhchilh hmain college-ah zirtirtu hna a thawk ṭhin.