Pakistan-in NKorea hnenah nuclear thil a hralh

America Central Intelligency Agency (CIA) chuan India Research and Analysis Wing (RAW) hnenah Pakis≠tan-in North Korea hnenah nuclear material a hralh ṭhin tih a hrilh.

Report-in a tarlan danin Pakistan hian nuclear material-te hi tuipui lam aṭangin North Korea-ah hian a thawn lut ṭhin a ni.

Nuclear material, Monel leh Enconel-te hi Pakistan Atomic Energy Commission (PAEC) in NKorea-ah a thawn ṭhin a, hei hi UN-in NKorea ram a hrek mekna palzutna a ni.

Pakistan hian heng hmanruate hi China company, Beijing Suntech Technology Company Limited aṭangin a la a, a hmanrua lakte hi Pakistan thuneitute chuan bungraw phur lawng hmangin NKorea lamah hian an kalpen pui leh a ni.

Dan loa nuclear hmanrua hralhna kawnga inhnam≠hnawih reng chungin, Pakis≠tan hian international community hnenah Nuclear Suppliers Group (NSG) member nih a dilna chu pawm turin a nawr reng nia sawi a ni.