Hmeichhe chunga pawikhawihna hluar

National Crime Records Bureau (NCRB) in data a tihchhuah thar berah, kum li chhungin ram pumah hmeichhiate chunga pawikhawihna thleng ṭhin chu 34% zetin a pung.

Data-a tarlan a nih danin, hmeichhiate chunga kutthlaktu tam ber hi an pasal leh an chhungkhat hnaivai te an ni. Uttar Pradesh, Maharashtra leh West Bengal state-te chu pawikhawihna thlen tam zualna state an ni.

Kum 2012-2015 inkar khan hmei≠chhiate chunga pawikhawihna thubuai hi 113,403 ziahluh a ni a, a hma kum li chhunga thubuai ziahluh chu 106,527 a ni. Hmeichhe tam zawkten an chunga pawikhawihna thleng ṭhin ngawih bopui mai loa an sawichhuah ngam tawh avang≠in thubuai ziahluh pawh hi a pung chak niin Delhi police officer Varsha Sharma chuan a sawi.