SC-in Darkar 24 chhunga FIR upload turin hriattir

Supreme Court chuan state leh union territory-te chu nimin khan hriattirna pein, police station-a FIR thehluhte chu darkar 24 chhung ngeia an website-ah upload nghal zel turin a ti.

Justice Dipak Misra leh Justice C Nagappan awmna bench chuan he hriattirna hi tichhuakin, internet connection chhiatna state bikte chu FIR upload tur hian darkar 72 thleng ngaihnathiam an nih tur thu a sawi.

State police thuneitute chu FIR thehluh zinga ṭhenkhat chu an up--
load loh phalsak an ni thung a, heng zingah hian hel chungchang leh hmeichhia leh naupangte chunga mipat hmeichhiat lam hawia chetna thleng thubuaite a tel.

Hetihlai hian thubuai siamsakte hian an thubuai hi website-a upload a la nih loh pawhin chhuanlamah an hmang thei dawn lo a, court-a an chungthu ngaihtuah a nih aṭanga darkar 48 chhungin upload theih a la ni ang.