Kashmir tana thawk ho turin Malala-i'n a ngen

Pakistan tleirawl, khaw≠vel chawimawina sang Nobel Peace Prize pawh lo dawng tawh, Malala Yousafzai-i chuan United Nations, international community, Pakistan leh India-te chu Kashmir dinhmun siamṭha tura thawk ho turin a ngen.

Malala Yousafzai-i chuan, "Kashmir mipuite chuan hmun danga mite ang bawkin an dikna chanvo te an hmang ve thei tur a ni. Mipuite hi hlauhna leh rahbehna lak aṭanga chhuah zalen an ni tur a ni" a ti.

Ram leh pawl hrang hrangte chu thawk ho a, thil dik lo awmte siamṭha a, kashmir mipuite chu an zahawmna leh zalenna humhalk sak turin a ngen. Tualchhung buaina thleng vanga hun rei tak chhung Kashmir Valley-a school khar a nih vanga zirlai tam takin an zirlai an chhunzawm thei lo chu pawi a tih thu a sawi bawk.