India-in Australia-ah theibuhfai thawn chhuak

India chuan a ṭum khatna atan theibuhfai (pomegranates) chu lawng hmangin Australia-ah hlawhtling takin an thawn chhuak ta tih nimina Commerce Ministry thuchhuah chuan a tarlang. India hian thei thar chhuahte hi thlawhtheihna hmangin a thawn chhuak ṭhin a ni.

Theibuhfai thar chhuahte hi a hmin hun inang lo leh thawn chhuah tur tlem vangin Australia-ah hian thlawhtheihna hmanga thawn an ni ṭhin. Mahse Australia rama theibuhfai thawn chhuah phalna an hmuh hnuah, Commerce Ministry chuan February 2024 khan theibuhfai thawn dan tur bikah Standard Operation Procedures (SOP) tih fel a nih thu a sawi. A hmasa ber atan thlawhtheihna hmangin July 2024 khan an thawn. Hemi hnu nikum December 6 khan lawng hmangin a vawi khatna atan an thawn chhuak a ni.

Lawng hmanga theibuhfai thawn chhuah, ton 5.7 chuan January 13 khan Sydney a thleng a ni. An thei thawn hi Maharashtra-a Silapur huam chhunga thar chhuahte an ni.