J&K tlangramah sipai tirhbelh dawn

Tualchhung buaina thlen mekna hmun Jammu & Kashmir-a thingtlang hmun ṭhen≠khatah sipai dah belh an ni dawn.

July 8-a Hizbul Mujahideen hotu Burhan Wani thah anih aṭanga thla hnih hnuah pawh J&K-ah hian boruak a la ralmuang lo hle a, hmun ṭhenkhatah curfew puan a la ni.

Boruak sosang lutuk tur veng turin J&K police leh Central Reserve Police Force-te'n venhimhna ngawrh takin an la thawk reng a ni. Tualchhung buaina hian khawpui mai bakah thingtlang hmun kilkhawr zawk thlenga nghawng a neih chhoh avangin, thuneitu lam chuan tlang mite rilru hmin tur leh buaina punlun zel tur veng turin sipai tirh belh a tum.

India Army Chief General DS Suhag chuan nimin khan Kashmir hi a tlawh a, India leh Pakistan inrinna Line of Control-a venhimna kalpui dan te a hmunah kalin a enfiah nghal. General DS Suhag hian senior Army officer-te chu venhimna chungchang a sawipui bawk. Tunhnaiah LoC-ah hian sipai leh hel inbeihna a thleng fo a ni.

J&K-a tualchhung buaina chhuak vang hian mi 70 an thi tawh a, mi 10,000 chuangin hliam an tuar tawh a ni.