Rajnath Singh-a'n Russia leh US tlawh dawn

Union Home Minister Rajnath Singh chuan Russia leh US a tlawh dawn a, firfiakte chetna chungchang leh Islamic State (IS) firfiakte beih let dan turte a sawipui ang.

Singh hian September 18-ah Russia panin ni nga a cham dawn a, a cham chhung hian Russian Internal Affairs Minister Vladimir Kolokiltseve a kawm dawn a, firfiakte beih letna kawnga India leh Russia thawh dun dan chungchangte an sawidun ang. Hei bakah hian Jammu and Kashmir tualchhung buaina thleng leh, ramri-a firfiakte pawikhawihna ṭhinte an sawidun dawn bawk a ni.

Home Minister hian September 26 hian ni sarih cham turin Washington a pan dawn a, Jeh Charles Johnson nen Indo-US Homeland Security Dialogue an nei ang. Singh hian Pakis≠tan sorkarin thlawpa firfiaka chetna thleng ṭhin leh, India leh South Asia ram danga IS firfiakt chet lak dante a sawipui bawk ang.

Home Ministry official chuan Russia leh US a tlawhnaah hian Home Ministr hian Pakistan nena ramri kaltlanga firfiakte chetna thleng fo leh, Middle East firfiak pawlte India rama an chet dan chungchangte chu a thupui ber tur a ni, a ti. Ram pahnihte hi IS hluar zel tur danna leh firfiak dangte beiletna kawnga thawhdunna lian zawk neih dan turte a sawipui dawn a ni.

Prime Minister Narendro Modi chuan G20, BRICS met leh East Asia Summit neihah pawh Pakistan aṭanga firfiak kalten pawi an khawih chungchang hi a lo sawichhuak tawh bawk. Modi chuan ram hrang hrangte chu firfiakte beih≠letna kawnga thawhhona zau zawk neih a ṭul thute a sawi.