J&K-ah firfiak pali kaphlum

Jammu and Kashmir-a Poonch district-ah nimin khan firfiak leh security force-te an inkap a, firfiak pali kahhlum an ni.

Nowgam, Handwara-a Line of Control bulah firfiakte kahhlum an ni a, an awmna hmunah hian silai pali chhar a ni bawk. Security force-te chuan an inbeihna chhehvel bialah hian firfiak dang an awm leh awm loh dapin beihpui an thlak nghal.

Firfiakte hian Line of Control pela India rama rawn luh an tum laiin, securirty force-te chuan enfiah a lo tum a a ni. Mahse firfiakte hian silai kengte chu lo kapin, security force-te nen hian an inkap zui ta a ni.

J&K Deputy Chief Minister Nirmal Singh chuan Poonch district-a thil thleng chu a dem thu sawiin, he thil hi Pakistan thiltih ngei nia a ngaih thu a sawi. Pakistan chu Kashmir-a buaina siam tum rengah a puh bawk.

Kar kalta Zirtawpni khan Handwara, Kupwara ah army convoy chu helhoin an bei a, sipai pahnihin hliam na tak an tuar a ni. Hemi ni vek hian Kulgam district-ah political leader pakhat chenna ina guard post chu helhoin an bei, guard-te silai kawl pali an laksak.

Hetihlai hian Kashmir chhim lamah nimin khan security force leh mipuite inkarah buaina a chhuak thar leh a, security force 12 leh civil mi eng emaw zatin hliam an tuar a, Karimabad leh a chhehvela chengte chuan nimin zing khan security force-te chet danah lungawi lohna an lantir a, security force-te chu lunga tawngin anni hian mipui hnawh darh nan tear gas bakah musep an hmang a, hliam tuar eng emaw zat an awm bawk. Kar kalta Inrinni khan Kashmir Valley-a nawrh huaihawtnaah mi pa≠hnih an thi a, mi dang 110 in hliam an tuar bawk.