Delhi-Mumbai inkarah rel chak chi tlan tir chhin

Rel chak chi, Spain siam Talgo train chu kar kalta Inrinni khan Delhi leh Mumbai inkarah tlan tir chhin a ni a, darkar 12 tling lo deuh hun a hmang.

Tago rel hi Delhi aṭangin Inrinnni tlai 2.45 ah a tlanchhuak a, nimin zing dar 2.34 khan Mumbai a thleng a ni. Indian Railways chuan he rel hmang hian Delhi leh Mumbai inkara hun hman chu darkar 4 vela tihtlem tumin hma an la a, hemi atan hian super fast Talgo rel hi enchhin a ni. Darkar khata km 200-a chak tlan thei, Spanish firm Talgo siam rel hi April thla khan Spain aṭangin Mumbai-ah lak thlen a ni.

Talgo rel hian pindan pakua a nei a, excutive class car pahnih, Chair car pali, cafeteria, powre car leh tail-end coach a awm.

Delhi leh Mumbai inkar rel kawng hi km 1,400-a thui a ni a, Rajdhani Express chuan darkar 16 chhungin a thleng a ni.