Fund hman danah State-te zalenna tam zawk pe dawn

Sorkar laipui chuan state sorkarten tualchhung tihhmasawnna tura pawimawhah Centrally Sponsored Scheme (CSS) fund an hmannaah zalenna zau zawk a pe dawn.

Inkaihhruaina thar siam hnuaiah state tin tana CSS flexi-fund pek chu 10% aṭangin 25% ah tihdan a ni a, Union Territory tan 30% a tihsan a ni bawk.

Finance Ministry chuan state sorkar chuan fund chu state chhunga leilung chhiatna a thlen thulhah leh, venhimna lam thila tualchhung mipuite mamawh phuhrukna turin an hmang thei dawn niin a sawi. Guidelines tharah hian, "State-te chuan an duh a nih chuan, CSS fund aṭanga 25% chu flexi-fund atan an dah thei ang" tia tarlan a ni. Mahse flexi fund hmang tur hian state sorkar chuan state-level sanctioning committee (SLSC) a neih a ngai ang.