Congress-in thupha chawi turin PM Modi a phût

Congress party chuan Prime Minister Narendra Modi chu Gujarat chief minis­ter a nih lai, kum 2002-a Guja­rat-a intual­vuakna thleng chung­changah thu­pha chawi turin a phût thar leh.

Congress chuan BJP-in fir­fiak­te chetna do tura a inpek dan a zawt chiang bawk a, ram hma­ngaih anga insawia hmai thing­hawng vuahah a puh bawk. Rorel­lai BJP party chu firfiakte inremna siampui ṭhinah a puh.

Research and Analysis Wing (RAW) hotu hlui, AS Dulat-a'n a interview naah Gujarat intual­­vuakna chungchang hi a sawi­chhuah avangin Congress party hian PM bang tura an phutna hi an thar thawh leh a ni.

AS Dulat hian news channel pakhatin a kawmnaah, BJP hruaitu hlun leh Prime Minister hlui Atal Bihari Vajpayee-a'n kum 2002-a Gujarat intual­vuakna rapthlak tak thleng chung­changah, 'kan lo tisual a ni' tia a sawi thu a tarlang. He thu a sawi lai hian PM hlui hmelah hian hrehawm a tihzia pawh a lang chiang hle a ni, a ti bawk.

Congress party thupuangtu, Ajoy Kumar chuan, "Dulat hian PM hlui Vajpayee-a'n kum 2004 in­thlan­­pui-a a chak loh chhan pawh kha Gujarat buaina vang nia a ngaih thu a sawi. Gujarat intual­vuak­na thleng hi a dem takzet a ni," a ti.