Kashmir-ah truck driver-te an nuar

Jammu and Kashmir-a mipui lungawi lo ten nawrh an huaihawtnaah lunga an intawng avangin Pathianni khan truck driver pahnihin hliam an tuar a, tanker 17 a chhe bawk. Mipuite kut an tawrh ve fo avanga lung≠awi loin, truck driver-te chuan nimin atang khan Kashmir, Ladakh leh state chhung hmun dang≠ah nawrh an huaihawt.

All Jammu and Kashmir Oil Tankers Association (JKOTA) president Anan Sharma chuan Kashmir Valley leh hmun ṭhenkhata buaina chhuakah tanker leh truck-te chu beih an nih fo avangin an tan tlan≠chhuah chu a him tawk rih loa a ngaih thu a sawi.

Sharma chuan Kashmir-a tanker la awm mekte an kir kim hunah hma lak zel dan tur an rel dawn tih a sawi.

All J&K Goods Carrier Association pawhin Jammu and Kashmir Divisional Commissioner-te'n an himna tur ngaihtuahsak mah se, security an pe ṭha tawk lo niin an sawi. Kashmir tual≠chhung buaina a chhuah hnuah truck tam tak tihchhiat a ni tawh a, driver eng emaw zatin kut an tuar bawk a ni, a ti. Mipui thinrimten truck leh tanker an tihchhiat hi 70 chuang zet a ni tawh nia sawi a ni.

Thla hmasa khan oil tanker's association chuan nawrh huaihawtin Kashmir Valley-ah an lo tlan duh lo tawh bawk a, hei vang hian nitin mamawh chawk luhna kawngah harsatna lian tak an tawh phah a ni.