Bihar tuilian vanga thi 228 an tling

Bihar state-a tuilian vanga thi chu mi 228 an tling tawh.

Tuilian hian ziaawm lam a pan tawh a, Pupun, Kosi leh Kamlabalan lui tih loh lui dang tuite chuan hlauhawm chhinchhihna hnuaiah vek an luang tawh a ni.

Disaster Management Department chuan tuilian tuartu hi district 12-a thingtlang khaw 1,725-a cheng mi nuai 31.30 an nih thu a sawi. Department thuchhuah thar chuan tuilenna district - Buxar, Bhojpur, Patna, Vaishali, Saran, Begusarai, Samastipur, Lakhisarai, Khagaria, Munger, Bhagalpur leh Katihar aṭangin mi nuai 3.94 chu hmun him lamah sawnchhuah an ni, a ti.

State sorkar chuan tuilian tuarte thiarhchhuah hna thawk tur hian lawng 2,537 a tir a, national leh state disaster response force-te'n tuilian tuarte chhanchhuah leh chhawmdawl hna an thawk bawk.

Tuilian tuarte awm lailawkna tur camp 271 siam a ni a, heng hmunah hian mi nuai 1.98 an khawsa mek a ni.