UP CM-in eirua puh minister pahnih a ban
Uttar Pradesh Chief Minister Akhilesh Yadav-a chuan a minister pahnih, eiruknaa inhnamhnawiha puhte chu minister an nihna aṭangin a ban.
Minister ban takte hi Mining Minister Gayatri Prajapati leh Panchayti Raj Minister Rajkishore Singh-te an ni. Prajapati hi an state chhunga dan loa mining kalpuiah puh a ni a, Singh hi ram a neih dan chungchangah dik lo taka thiltiah puh a ni bawk.
Uttar Pradesh-a dan loa mining kalpui a nih chungchangah hian July 28 khan Allahabad High Court chuan CBI chu chhui chiang turina hrilh a, sorkar official-te inrawlh dante chhui tura hrilhin, kar ruk hnua report thehlut turin a hriattir a ni. High Court thupek hi sut leh turin state sorkar chuan ngen mah se a ngenna hi a pawmsak duh lo a ni.