PM-in Karnataka leh Tamil Nadu mipuite ngen
Cauvery lui tui inchuh vangin Karnataka leh Tamil Nadu-ah buaina nasa tak a chhuak a, Prime Minister Narandra Modi chuan state pahnih mipuite chu boruak ṭha siam tura ngenin, an buaina chu dan hmanga ṭha taka chinfel theih a ni, a ti.
PM chuan state pa≠hnih mipuite chu tharum thawhna titawp turin a ngen a, "Tharum thawh hian eng buaina mah a chingfel thei lo. Democracy ramah chuan buaina chinfel hna chu dawhthei takin inbiakna hmanga chinfel ṭhin a ni. He buaina pawh hi dan hmanga chinfel theih vek a ni. Thil suasam leh halte hi a tuartu ber chu mi retheite an ni" tiin a sawi.
Supreme Court chuan Karnataka sorkar hnenah Cauvery lui tui hi a ṭhen≠awm Tamil Nadu state tan ni 10 chhung, nitin cusecs 15,000 pe chhuak turin a ti a, hei hi duh loin Karnataka state chhung hmun hrang hrang, a bikin Tamil Nadu ramri bul khuaahte nawrh huaihawt a ni. Karnataka sorkar hian SC thupek avanga mipui lungawi loten buaina nasa tak an siam thu leh, an state ngei pawhin tui lam indaihlohna nasa tak a tawh avang≠in thupek hi ngaihtuah
ṭha turin a ngen a, Thawh-
ṭanni khan SC chuan a tui pek chhuah tur hi ni khata cusecs 12,000 atan a tihtlem sak a ni.
Karnataka state-a lung≠≠awi lohna lantirte hian Bengaluru-Mysuru highway-a tlan, Tamil Nadu registration bus leh truck-te an hal a, Tamil mite dawr eng emaw zat an suasam sak bawk a, bus 30 chuang zet an halsak a ni. Tamil Nadu lamah pawh Karnataka registered motor-te khawih an nih bakah, Karnataka company siam hotel-te an suasam sak bawk.
Karnataka-a IT hmun≠pui, Bengaluru-ah chuan dawr hal leh suasamnaa inhnamhnawih, mi 350 chuang man an ni a, khawpui chhung hmun
ṭhenkhatah curfew puan a ni bawk. Khawpui hmarlama nawrh huaihawt leh police-te innawr buai≠naa police-te silai hmeh≠puahah mi pakhat a thi. Mahse police-te chuan nimin lam chuan boruak hian ziaawm lam a pan tawh niin an sawi a, pawi≠khawihtute chungah na taka hremna lekkawh a nih tur thu an sawi.
Bengaluru khawpuiah hian venhimna hna thawk turin police 15,000 dah an ni a, riot police leh paramilitary force-te duty tir an ni bawk.
Karnataka-a nawrh huaihawt a nih avangin Tamil Nadu Chief Minister Jayalalithaa-i chuan Karnataka Chief Minister Siddaramaiah chu lehkha thawnin, an state-a Tamil mi awmte leh an in leh lote chu venhim sak turin a ngen. Hetiang bawk hian Siddarmaiah pawhin Jaya-i hnenah hian Tamil Nadu-a Karnataka state mi awmte himna chu ngaihtuahsak turin a ngen ve bawk a ni.
Union Home Minister Rajnath Singh chuan Tamil Nadu leh Karnataka CM-te chu Cavaury lui tui inchuh vanga buaina chhuak tireh turin puih zel a tiam. Singh hian Jaya-i leh Siddaramaiah-te chu telephone-in a bia a, an state chhunga tharum thawhna thleng tihtawp tur leh, boruak muanawm a awm leh theihna turin sorkar laipui chuan a pui zel dawn tih a hrilh.
Sorkar laipui chuan venhim hna thawk tur hian Thawhṭanni zan khan rapid action force (RAF) company 10 chu Bangalore-ah a tir a, hemi hma hian RAF company thum leh mahlia company khat dah an lo ni tawh bawk. BSF leh ITBP company-te pawh a ṭul huna che chhuak tura company panga lo buatsaih lawk tura hrilh an ni bawk.