India-US sipaiten nunchan zir dawn

India leh US sipaite chuan September 14-27 chhung hian Uttarakhand-ah joint military exercise, 'Yudh Abhyas' an nei dawn. Tun ṭumah hian hel leh firfiakte laka beihpui thlak dan an thlurbing bik ang.

Joint military exercise hi Chaubattia hmunah neih a ni dawn a, ram pahnih sipaiten military training exercise an neih rei ber zinga mi tur leh, a ṭum 12-na tur a ni.

Kum 2004 aṭang khan US Army Pacific partnership programme hnuaiah ram pahnih sipaite hian nunchan an lo zirho tawh a, an inthlen chhawk a ni. Kumina an neih tur hi chu India leh US-in Logistic Exchange Memorandum of Agreement (LEMOA) an ziah hnua an neih ṭum khatna tur a ni.

Kar hnih chhung nunchan zirhonaah hian US leh Indian Army aṭangin sipai 225 ve ve an tel ang.