Reliance-in cheng vbch 1,577 leiba nei

Tunhnaia Jio telecom service siamtu, Reliance Industries Ltd chuan Mumbai Me≠tropolitan Region Development Authority (MMRDA) hnenah Bandra Kurla Complex-a ram pahnih a hmanna man cheng vaibelchhe 1,576.90 a batsak.

Activist Anil Galgali-a'n RTI hmanga a zawhna chhannaah Reliance leiba neih zat hi hriat a ni a, hemi hnu hian Galgali chuan Maharashtra Chief Minister Devendra Fadnavis-a hnenah lehkha thawnin, Reliance leiba chu ni 30 chhung ngeiin a pung nena laksak turin a ngen. "Ni 30 chhunga leiba hi rulh a nih loh cuan sorkar chuan an ram hman chu laksak se la, MMRDA in sum a hmuh theihna turin a hmang huai ber tur hnenah hman tir zawk rawh se" a ti.

Reliance-in MMRDA sum a bat hi BKC-a ram, G/C-64 a hmanna man cheng vaibelchhe 1,187 leh G/C-66 ram a hmanna man cheng vaibelchhe 399 te an ni. Reliance bakah hian private organisation 19-ten MMRDA sum an batsak bawk a, private sector-te sum bak hi cheng vaibelchhe 2,055 a tling a ni.