NIA-in India thuruk ti putrutu mi 3 man

Law enforcement agency, National Investigation Agency (NIA) chuan Thawlehni khan Uttara Kannada district, Karnataka leh Kochi, Kerela-ah Indian naval kaihhnawih thuruk, Pakistan Intelligence hnena ti putrutu mi pathum an man.

An mi mante Vethan Laxman Tandel leh Akshay Ravi Naik, Uttara Kannada leh Abhilash P. A., Kochi-a mi te niin NIA hian an tarlang. An pathum hian Pakistan Intelligence Operatives (PIO) nen social media kaltlangin an in be ṭhin tih hmuh chhuah a ni bawk.

NIA chuan an mi mante hian Karwar leh Kochi-a naval operation kimchang chu PIO hnenah thla riat chhung Rs 5,000 pek intiamin an hralh niin a sawi. "Heng mi pathumte hi Thawhlehni khan khawtual mite puihnain Pakistan Intelligence Operatives (PIO) te nen social media kaltangin an in be ṭhin a ni tih hriat chhuah a ni," a ti.

NIA in chhuichianna an kalpui aṭang hian Karwar Naval Base leh Kochi Naval Base-a India defence thuruk hralhnaa inhnamhnawih, Pakistan mi Meer Balaj Khan leh Akash Solanki-te chu an man tel. Anni bakah hian hian NIA chuan PIO thawhpui midang pahnih lakah chargesheet an thehlut bawk.

Anti-terror agency chuan in enthlakna thleng vang hian Pakistan-a awm anti-national element te lakah hian chhuichianna kalpui zel a la nih thu an tarlang.