UGC-in website-ah fee leh admission man tarlang turin a ti

Higher education-a thuneitu sang, University Grant Commission (UGC) chuan ramchhunga university zawng zawnga vice chancellor-te hnenah an university website-a fee structure leh, admission tihna tura sum ngai zat te, placement record-te kimchang taka tarlang vek turin a ti.

UGC chuan, "Course tin atana fee ngai zat bakah, institution development atan fund dang pek ngai zatte chu website-ah tarlan vek tur a ni," a ti.

Admission tih tum te'n institute ṭhenkhatin tuition fee leh sum ngai dang chungchangah information an tarlan ṭhat duh loh avangin tihsual a awm fo nia complain a luh hnuin, UGC chuan hriattirna hi a pe a ni.

UGC chuan fee chungchang kim­chang taka tarlan tura a tih bakah, institute hrang hrangte chu zirtirtute thlalak te, zirna lama an zawmpui leh a zirchhuak placement hmu tawhte thlalakte pawh tarlang tel turin a ti bawk. Hriattirna a tichhuah aṭanga hma an lak dante chu ni 15 chhunga report leh turin a hrilh nghal a ni.

Website-ah hian hostel, tran­sport, statutory bodies chungchang bakah students service atana nodal officer ruatte pawh dah tel tura tih a ni bawk.