MLA atan CM Jayalalithaa-i la lut

Tamil Nadu Chief Minister J Jayalalithaa-i chu assembly by-election neihah hneh taka thlan tlin a nih hnuin, kar kalta Inrinni khan MLA atan rinawmna thu tiam tira lakluh a ni.

AIADMK hruaitu, Jaya-i hi a sum lakluh phu loa hausaa puhna thubuaiah thiam loh chantir a nih avangin nikum September 27 k han Chief Minister a nihna aṭangin a lo bang tawh a, MLA a nihna aṭang pawhin ban a ni nghal bawk. Mahse a thubuai hi Karnataka High Court-in a ngaihtuah nawn hnuah, thiam a chantir leh avangin May 23 khan Tamil Nadu Chief Minister tan hian lakluh nawn leh a ni a, mahse MLA a nihna hnawlsak a lo ni tawh vangin thla ruk chhung ngeia assembly member atan thlan tlin ngai a ni.

June 27 khan Chen­nai hmarlama Dr Ra­dha­krishnan Nagar constituency-ah by-elec­tion neih a ni a, hetah hian Jaya-i hi vote nuai 1.5 chuang zetin a chak.

Inrinnia MLA atana Jaya-i lakluhnaah hian media lamte an kal an remti lo a, an party MLA leh hruaitu senior te chauh an tel.