Kum 2022-ah India ramah mihring tam ber dawn

United Nations report tihchhuah chuan India ram chu kum 2022-ah China lehpelin, mihring tamna ber ram a nih tur thu a tarlang.

China leh India hi khawvela mihring tamna ram pahnih an ni a, tluklehdingawn khat an chuang ve ve a ni. China rama mihring awm zat hi khawvel puma mihring awm zat aṭangin 19% a tling a, India chu 18% a tling bawk.

UN-in ‘World Population Prospects: The 2015 Revision’ report a tihchhuahah hian kum 2050-ah chuan mihring maktaduai 300 chuang awmna ram paruk an awm rin a nih thu a tarlang bawk a, chungte chu- Chna, India, Indonesia, Nigeria, Pakistan leh USA-te an ni.

Khawvela mihring tamna ber 10 zingah hian Africa khawmual aṭangin Nigeria, Asia khawmual aṭangin ram panga- Bangladesh, China, India, Indonesia leh Pakistan, Latin America ram pahnih- Brazil leh Mexico, Northern America aṭangin USA leh Europe khawmual aṭangin Russian Federation-te an lang.

Nigeria chu mihring pun chak berna ram a ni a, kum 2050-ah chuan a micheng tam lamah US a khum rin a ni.