Gurdaspur police beitute kha Pakistan aṭanga rawn kal an ni: HM

Union Home Mi­nister, Rajnath Singh chuan Punjab Gur­daspur district-a po­lice station beitu fir­fiak pathumte khan Pa­kistan aṭanga rawn kal ngei an ni, a ti.

July 27-a Pakistan leh Punjab inri-na bul, Gurdaspur district- Dinanagar police sta­tion beitu firfiakte khan police pathum leh civil mi pali an kaphlum a ni. Police station an luhkhung hnuah, Punjab police-te nen darkar 12 zet inkap zuiin, firfiak pathumte hi police-te'n an kaphlum vek a ni.

Union Home Mi­nis­ter chuan fir­fiak­te ruang aṭanga an hmuh, GPS device aṭangin firfiakte hian Ravi lui kaltlangin Pakistan aṭangin India ramah an rawn lut tih an hre thei a ni, a ti. Firfiak pathumte hian Indian army uniform an ha a, China siam grenade bakah AK 47 rifle-te an nei bawk.