Mamata-i'n Singur ram neitute ram pe kir

West Bengal Chief Minister Mamata Banerjee-i chuan nimin khan Tata Motors-in Nano project thawhna atana Singur-a ram a hman chu, a ram neitute hnenah a pe kir a, hei bakah hian an phalna loa ram an laksak mi 800-te hnenah z·ngnadawmna a pe nghal bawk.

August 31 khan Supreme Court chuan West Bengal-a Left Front sorkar laia Tata Motors tana ram pek hman chhunzawm a nih loh avangin a ram neitu, loneitute hnenah pe kir leh vek turin a hriattir a ni. Mamata Banerjee-i hian inthlan dawna campaign au hlaah pawh a lo hmang tawh a, Singur ram chu a neitute hnena hlan a ni leh theihna tura a beih tur thu a sawi a ni.

Nano project thawhna atan hian mi 9,117 ram, acre 997.11-a zau lak a ni a, heng zingah acre 620 chu tehfel a ni tawh a, a bak pawh tihfel thuai a ni ang. Ram tehna atan hian GPS satellite leh drone te an hmang a ni. Tata Motors office leh an bungrua la awmte chu thiar chhuak turin an ngen dawn a, an ngenna hi an zawm lo a nih chuan state sorkar chuan a duh angin a ti tawh mai dawn tih a sawi bawk.