Covid vaccine pek chhuah hunah CAA buaipui chho dawn

Union home minister Amit Shah chuan India rama hripui leng mek chu a ziawm chhoh deuh leh vaccine sem chhuah a nih hunah Citizenship (Amendment) Act (CAA) a taka kalpui dan tur chu duan a ni dawn tih a sawi.

West Bengal-a Bolpur hmuna press con­ference a neihah CAA chungchang hi sawichhuakin, Amit Shah chuan hripui leng vangin CAA kalpuina tur dan chu duan a la ni lo tih a sawi. Mahse hri leng a ziaawm chhoh leh, vaccine pek chhuah a nih theih velah hemi chungchang hi buaipui a ni tawh ang, a ti.