India mi sangha mantu 32 Sri Lanka Navy-in man

Sri Lanka Navy-te chuan nimin, Pathianni khan Thangachimadam leh a bulhnai Ramanathapuram district, Tamil Nadu mi sangha mantu 32-te chu Rameswaram ah an man. Heng mite hi hi Palk Straits hmunah manin an sangha manna hmanruate an man tel bawk.

He thil thleng chunchang hi Fisherries department chuan sawi nghalin, Inrinni khan Rameswaram sangha manna hmunah sangha man tute tan token 478 lai an pek chhuah thu an tarlang ve bawk. Heng sangha mantute hi Navy te hian surveillance an neih laiin an hmu a, Navy hmunah hian an hruai zui nghal niin an tarlang.

BJP Tamil Nadu president chuan union external affairs minister S. Jaishankar chu hma la tur ngen nghalin, Tamil Maanila Congress (Moopanar) president G.K. Vasan pawhin sorkar laipui chu Sri Lanka Navy hmalakna chu na taka bei leh tur in a ngen ve bawk.