Delhi Leader of Opposition atan Atishi ruat

Delhi-a BJP sorkar thar lak luh a nih hnuah, Delhi Assembly Leader of Opposition atan Delhi chief minister kalchhuakta Atishi chu ruat a ni. Atishi ruatna hi nimin Pathiannia Aam Aadmi Party-in meeting an neihnaah tih fel a ni.

Atishi hi Delhi assembly-a hmeichhe Leader of Opposition ni thei hmasa ber a ni. Hmeichhe CM Rekha Gupta nen an in hmachhawn tawk viau tura rin a ni bawk. February 5, Delhi Assembly inthlanah khan BJP hian seat 70 awmah seat 48 la in hnehna an chang a, AAP hian seat 22 chauh an la a, AAP zinga hnehna chang thei zingah hian Atishi hi a tel thei a ni.

Atishi hian a bial ngai Kalkaji constituency-ah BJP candidate Ramesh Bidhuri a hneh a, AAP hruaitu lawk Arvind Kejriwal leh Manish Sisodia te ai pawhin a che ṭha zawk a ni. Delhi Assembly session hmasa ber hi vawiin February 24 hian ṭan a ni ang. Ni thum chhung awh tur session-ah hian BJP sorkar chuan CAG report, AAP sorkar chet vel dan tarlan telna chu House-ah hian pharh an tum.