J&K-a Rajouri-ah buaina chhuak vangin curfew puang

Jammu and Kashmir-a Rajouri district-ah motor-a bawngsa phurh a nih thu a than avangin buaina a chhuak thar leh a, curfew puan zui nghal a ni.

Rajouri District Magistrate Shabir Ahmed Bhat chuan Nilaini zan khan motor-a sa an phurh chu mi ṭhenkhatin bawngsa nia sawiin thu an thehdarh a, hei vang hian buaina a chhuak zui ta niin a sawi. Mahse motor-a sa phur hi enfiah a nih hnuah bawngsa ni loin camel sa a ni tih a sawi bawk.

Motor-ah bawngsa an phur nia thu thehdarh a nih vang hian Chingus bulah tualchhung miten dar 7.30 vel khan motor hi beiin an hal. Hetihlai hian mi ṭhenkhatin bawngsa ni loin Eid festival hmanna tur atan camel sa an phur zawk niin an sawi a, an intibuai zui ta a ni. Buaina a chhuah hnu hian venhim hna thawk turin sipai tirh luh nghal an ni a, police-te pawhin thubuai an ziaklut nghal bawk. Mahse police-te hian pawikhawihna thleng kaihhnawihah hian man an la nei lo.