PM-in a pianchamah rualbanlote thilpek pe dawn

Prime Minister chuan a piancham, September 17 chu Gujarat-ah rualbanlote tan thilpek semin lawm a tum.

PM hian Gujarat-a Navsari khuaah a pianchamah hian rualbanlo 11,223 hnenah wheelchair, tricycle, hearing aids leh special smartphone te a sem dawn a ni.

Union Social Justice Minister Thawar Chand Gehlot chuan PM hian rualbanlo te thilpek a sem tur chhan chu an nunkhua a lo nawm phah ve theihna atan te, heng hmanrua hmanga hna an thawh theihna tur a ni, a ti. An department chuan rualbanlote pual hian employment fair an buatsaih dawn tih a sawi bawk.