Cabinet-in budget chungchang ngaihtuah dawn

Cabinet chuan Union budget-a Railway Budget nena chhunfin leh budget session neih hun tur sawn chungchang chu kar leh khian a ngaihtuah dawn. Budget session thla khata sawn hmaa a, January 24-a ṭan tura an rawt rin a ni bawk.

Budget Session hi tihdan phung pangngaiah chuan February chawlhkar thumna emaw, chawlhkar li-naah emaw neih a ni ṭhin a, thla tawp niah Union Budget hi pharh a ni ṭhin. Hemi hnu hian chawlh lailawk awmin, May thlaa session hi zawh a ni ṭhin.

Sorkar lam chuan budget session hi ṭan hma a nih chuan April thlaa sorkar kum thar a inṭan hunah tihtur pawimawhte zawhfel hman a ni ang a, first quarter aṭangin ministry hrang hrang tana fund dahte pawh pekchhuah theih a ni dawn niin a sawi.

Session neih hun hi sawn hma a nih chuan Economic Survey chu January30-ah pharh a ni ang a, Union Bud≠get pawh Januar 31 ah pharh a ni thei dawn a ni. April 1 hmain finace bill-te pawh tihfel vek hman a ni thei ang.

Sorkar laipui chuan Goods and Services Tax (GST) bill chu nakkum April 1 aṭanga hman ṭan a tum a, hei vang hian hman a nih theihna tura a ṭulte tifel turin Parliament Winter Session pawh November 11 aṭanga neih
ṭan beisei a ni bawk. Winter Session hi November thla tawp lamah ṭan ni ṭhin mah se, sorkar chuan ṭan hma a tum bawk a ni.