Bawng humhalhtuten zirtirtu leh driver sawisa

Delhi-ah bawng humhalhtu intiten madrasa zirtirtu pakhat leh tempo driver pakhat an sawisa a, police-te'n pawikhawihtu mi pali an man.

Police-te chuan mi pahnih, Hafiz Abdul Khalid leh Ali Hassan-te hi Nilaini zan khan Delhi daia Kanjhawala bialah bawng humhalhtu intite hian an sawisa niin an sawi a, hliam na tak an tuar a, damdawi-inah enkawl mek an ni tih an sawi.

Khalid leh Hassan-te hi Bakra-Eid puala ran an talh ruang paiha an kal haw lam chu Mundka road-ah lo tidingin, Eid an lawmnaah hian bawng an talh nia puhin kut an lo thlak a ni. Mahse chhui chian anih hnuah bawng ni loin lawi an talh tih hriatchhuah a ni. Ningani khan police-te chuan kutthlaktu mi pali-te hi an man ta a ni.