UPSC Chairman atan Alka Sirohi ruat

Union Public Service Commission (UPSC) chairman thar atan IAS officer hlui, Alka Sirohi-i ruat thar a ni a, Thawhlehni-a UPSC chairman aṭanga chawl tur Deepak Gupta a thlak ang.

Department of Personnel and Training chuan hriattirna hi tichhuakin, President Pranab Mukherjee chuan September 21 aṭanga UPSC chairman hna thawk tur hian Sirohi-i hi aruat a ni, a ti.

Alka Sirohi-i hi Commission member ni lai a ni a, chairman hna hi January 3, 2017-a member term a tawp thleng emaw, thupek dang tihchhuah a ni hma emaw a chelh ang.

Sirohi-i hi IAS officer, Madhya Pradesh cadre a ni a, kum 2012-a Commission member atana ruat a nih hma chuan Department of Personnel and Training-ah Secretary a ni. UPSC hian chairman telin, member hi a tam berah 10 a nei thei a ni. Tuna Commission member ni laite chu - academician R Syiemlieh, Professor Hem Chandra Gupta leh Pradeep Kumar Joshi, Delhi Police Commissioner hlui Bhim Sain Bassi, Railway Board Chairman hlui Vinay Mittal, IAS offier hlui Chhatar Singh leh RAW in-charge hlui Arvind Saxena-te an ni.