District pahnihah curfew puang

Kashmir Valley-a inlakhran duhtu pawlte'n kawngzawh huaihawt an tum avangin nimin khan Valley chhunga district pahnih - Pulwama leh Baramulla-ah curfew puan a ni. Srinagar khawpui hmun ṭhen≠khatah curfew hi puan chhun≠zawm a la ni bawk.

Tualchhung buaina thleng vang hian Kashmir Valley-ah ni 73 chu nunphung a khaihlak tawh a ni.

Police official chuan inlakhran duhtute'n nawrh huaihawt an tum vang hian buaina chhuak tur venthawn thilah leh, dan leh thupek khauh zawka kenkawh a nih theih nan curfew hi puan a nih thu a sawi.

Inlakhran duhtute'n kar tina nawrh huaihawtna programme an siamah, nimin khan Baramulla, Srinagar leh Pulwama-ahte kawngzawh an tum a, September 22 thleng nawrh hi huaihawt chhunzawm an tum a ni.

Ni 73 chhung chu Kashmir Valley-ah hian sumdawnna leh zirna in hrang hrangte hawn mumal a la ni lo a, tualchhung buaina chhuak vanga thi hi mi 81 an tling tawh bawk.