India mi 12 Panama aṭangin Delhi an lo thleng
India mi 12 te chuan Panama-a US in a thawn chhuah lailawk hnuah Pathianni khan India an lo thleng niin official-in an tarlang. Heng thawn kirte hi kar hmasaa US in document fel lo mi 299, Panama-a a thawn chhuah lailawk zinga mi te an ni.
Heng thawnkirte hi Panama aṭanga thawn chhuah hmasak ber niin Pathianni khan Indira Gandhi International Airport, New Delhi an rawn thleng a ni. Panama aṭanga thawn haw hmasa ber niin, US aṭanga thawn haw thawh lina an ni bawk. US aṭang hian tun thla chhungin thlawhtheihna pathum hmangin thawn haw beipui hi kalpui a ni tawh.
US president Donald Trump-a kaihhruaina hnuaiah hian India mi dan loa US-a pem lutte hi thawn haw mek zel an ni. Tun dinhmunah India mi 300 chuang chu India-ah thawn kir ni tawhin doccument fel lo mi eng emaw zat thawn kir hmabak an la awm. India sorkar chuan dan loa awmte India rama thawnkir kawngah US sorkar chu thlawp tlat a tum bawk niin a tarlang.