India-US '2+2' talk vawiinah nei dawn

US Secretary of State Mike Pompeo leh Secretary of Defence Mark T Esper-te chuan nimin khan New Delhi an lo thleng tawh a, vawiin hian India lama an counterpart- Foreign Minister S Jaishankar leh Defence Minister Rajnath Singh-te nen  2+2 talk an nei dawn a ni.

US state department chuan India ram global power a nih chhohna leh an ram leh a chhehvela hruaitu an nih chhohna chu an lo lawm hle tih tarlangin, UN Security Council-a India thawhpui hlan an nghahhleh tawh thu an tarlang.

Mike Pompeo hian Secretary of State a nih hnuah India ram vawi li a tlawhna a ni ta a, Sri Lanka, Maldives, leh Indonesia-te a tlawh nghal dawn bawk. 

US ram hruaitute hian Prime Minister Narendra Modi pawh an hmu dawn a, US-India Comprehensive Global Strategic Partnership chungchang an sawipui dawn niin State Department lam chuan an tarlang a ni.

 2+2 foreign and defence minister-level talk-ah hian regional security cooperation, defence information sharing, military-to-military interaction leh defence trade-te chu an sawiho tur langsar zual a ni ang.