Hlawhtling takin missile enchhin

Surface-to-air missile chu nimin khan Odisha tuipui kama Chandipur launchpad-3 aṭangin hlawhtling taka kahchhuah a ni.

Defence Research & Development Organisation official chuan long range missile enchhin tak hi India leh Israel-in an siam dun a ni a, chawhma dar 10.13 khan Intergrated Test Range (ITR)-a mobile launcher aṭangin kahchhuah a ni tih a sawi. Official chuan system hian missile bakah Multi Functional Surveillance and Threat Alert Radar (MF STAR) pawh a tel niin a sawi.

June 30 leh July 1 khan medium range surface-to-air missile pathum chu enchhin a lo ni tawh bawk a, hengte hi India leh Israel-in Chandipur-a DRDO base-a an siam a ni. Indian Navy-te pawhin kum 2015, December 30 khan long range surface-to-air missile hlawhtling takin an lo enchhin tawh bawk.