Loneitute hnenah PM-in pawisa pe dawn

Prime minister Narendra Modi chuan loneitu vaibelchhe 9-te hnenah PM Kisan Samman Nidhi scheme kaltlangin cheng vaibelchhe 18,000 chu Good Governance Day (25th Dec)-ah a pe dawn.

Hemi ni hian Modi chuan loneitute hnenah thuchah a sawi nghal bawk dawn a ni. PM-in pawisa a pek tur thu hi union agriculture minister Narendra Singh Tomar chuan a sawi.

Nikum khan PM Kisan scheme kaltlang hian a thawh khatnaah loneitute hnenah pawisa pek a lo ni tawh a, loneitu sorkara register ti te hnenah sorkar chuan tanpuina pawisa cheng 6,000 chu he scheme kaltlang hian a pe thin a, pawisa hi thla li danah cheng 2,000 zela pek thin a ni. PM Kisan hi February 24, 2019 atang khan hman tan a ni.