Hmeichhe tan Delhi thlanawm loh

American think tank, Center for Strategic and International Studies (CSIS) leh Nathan Associaites-te'n report an tihchhuahah, hmeichhe hnathawkte dinhmun ṭhatna ber chu Sikkim a ni a, hetihlai hian Delhi chu a hniam ber thung.

Sikkim hian point 40 a hmuh laiin Delhi hian 8.5 chiah a hmu pha. An zirchianna hian factory-a hmeichhia thawkte hna thawh hun khuahkhirhna siam dan te, an chunga pawikhawihna thleng laka state crimincal justice system hmalakna te, hnathawktu awm aṭanga hmeichhia awm zat te, state-in incentive a pek dante a tel a ni. Sikkim-ah hian hmeichhe tan zan lama factory, retail leh IT sector-a hnathawh khapna siam a ni ve lo.