Smart City atan Khawpui 27 thlang leh

Sorkar laipuiin Smart Cities mission a kalpui meka a list thawh thumna chu nimin khan tih≠chhuah a ni a, Smart City-a siam turin khawpui 27 thlan chhuah leh a ni a, a vaiin khawpui 60 thlan chhuah an ni tawh.

Khawpui 27 than chhuahte hi state 12 ami an ni a, heng khawpuite hi chei leh infrastructure thawm ṭhatna atan cheng vaibelchhe 200 ṭheuh pek an ni ang.

A thawh thumna atana list tihchhuahah hian Amritsar chu a sang ber a, Gujarat-a Vododar khua chu a hniam berah a awm thung. Maharashtra state aṭangin khawpui panga an lang a, Tamil Nadu leh Karnataka-ah pali ve ve, Uttar Pradesh-ah khawpui pathum an lang tel.

Sorkar laipui chuan Smart Cities Mission a kalpui hnuaiah hian kum thum chhungin khawpui 100 chu Smart City-ah siam tum a ni. A thawh li-na tura khawpui thlan tur chu nakkum January-ah kalpui ṭan leh a ni ang. Smart City atana thlan chhuah zingah hian state leh UT pakua-a khawpuite an la lang tel ve lo a, chungte Uttarakhand, Jammu & Kashmir, Meghalaya, Mizoram, Nagaland, Arunachal Pradesh, Puducherry, Lakshadweep, Daman, Diu and Dadra & Nagar Haveli te an ni.