Rajnath Singh-a hoin BSF hnathawh dan thlir

Union Home Minister Rajnath Singh-a hoin Thawhlehni khan Home Ministry leh Border Security Force (BSF) official-te chuan ramri-a BSF hnathawh dan an thlir. BSF hian Pakis≠tan leh Bangladesh ramri an veng a ni.

Meeting-ah hian BSF hna thawh dan kalphung hrang hrangte sawiho a ni a, Pakistan ramri-a venhim ngai zual lai hmun ven dan tur te, International Border leh Line of Control kaltlanga firfiak rawn lut ṭhin lo ven dante an sawiho a ni. Venhimna khauh zawka kalpui a nih theih nan BSF te chu state police-te nena chanchin inhrilh tawn
ṭhin tura hrilh an ni bawk.

Border outpost thuam ṭhat dan tur te, hmun sang laia advance fibre reinforced polymer shelter dahna tur siam dan te, Jammu and Kashmir-a LoC hnaiah chengte chungchangte bakah, battalion din tharte ram tur chungchangte an sawiho bawk a ni. Minister chuan Bangladesh ramri kal≠tlanga bawng leh ruihhlo tawlhruk ṭhin tihtawp tura theihtawp chhuah turin BSF a ngen bawk.