Ramchhung lawrkhawm

Bihar sawisel vangin Katju lakah FIR thehlut

Bihar-a Janata Dal-United MLC Neeraj Kumar chuan Bihar chungchang hnuaichhia taka a sawi avangin Supreme Court judge hlui Karkandey Katju-a lakah FIR a thehlut. Kumar chuan Katju-a hian Bihari mi vaibelchhe 10.5 te rilru a ti na a ni, a ti.

Katju hian social media lamah Pakistan chu inremna siampuiah sawmin, Kashmir chu an rama behtir an duh anih chuan Bihar pawh an lak tel a ngai dawn a ni, a ti. "Inremna tura rawtna siam hi a vaia in pawm a nih loh chuan, engmah in chang lo ang. Kashmir leh Bihar in lakkawp emaw, engmah neih loh emaw a ni mai. Kashmir chauh chu kan pe thei lo ang che u" tiin a sawi.

Sri Lanka-ah dollar tld 2 invest dawn

Commerce and Industry Minister Nirmala Sitharaman-i chuan India chuan Sri Lanka-ah kum thum - kum li chhungin dollar tluklehdingawn hnih hu investment a ti dawn tih a sawi.

Economic and Technological Cooperation Agreement (ETCA) chungchanga inbiakna nei tura zin, Sitharaman-i chuan Sri Lanka Prime Minister Ranil Wickremesinghe a hmuh bakah, senior minister-te kawmin inremna chungchang hi a sawipui a ni.

India leh Sri Lanka hian ETCA ziah fel hi an duh a, mahse Sri Lanka-a medical leh IT professional section bakah trade union-te chuan inremna siam tum dan ṭhenkhat chu an dodal a ni. Sitharaman-i chuan India chuan an inbiakna neihpui a inpeih reng thu a sawi.

Gurgoan khaw hming thlak remti

Sorkar laipui chua Haryana sorkarin Gurgaon khaw hming, Gurugram tia thlak a rawtna chu a pawmpui ta, Gurugam tia sawi a ni tawh ang.

Haryana-a BJP sorkar chuan April thla khan Gurgoan tih chu Gurugram tia thlak a tum thu a lo sawi tawh a ni. Gurgaon khawpui hi Millenium City tia sawi ṭhin a ni bawk a, ramchhung leh khawvel huapah pawh industrial, information techology, softwarew leh corporate hmunpui tia hriat lar a ni. Khawpui chhungah hian multinational corporations (MNCs) leh India company lian tam takin office an nei a ni.