Karnataka party-te'n Cauvery tui pekchhuah duh lo

Supreme Court chuan Thawhlehni khan Karnataka sorkar hnenah Cauvery lui tui chu a ṭhenawm, Tami Nadu state tan ni thum chhung nitin cusecs 6,000 pe chhuak turin a hriattir leh.

Court thupek tihchhuah hnu hian Chief Minister Siddarmaiah chuan nimin khan all party meeting a ko leh a, party hrang hrangte chuan lui tui pe chhuak lo turin sorkar an hrilh.

State cabinet meeting pawh neih a ni dawn bawk a, he hunah hian all party meeting-a an thutlukna siamte chu ngaihtuah ani ang a, cabinet hian thutawp a siam nghal bawk ang. CM chuan cabinet meeting-ah hian party hrang hrang aiawhte chuan ngaihdan sawichhuahna hun siamsak an ni dawn tih a sawi a, BJP leh Janata Dal chuan special session neiha lui tui pe chhuak lo tura resolution siam chu an thlawp tih an sawi bawk.

Tamil Nadu leh Karnataka state hotute chu vawiin hian lui tui insem dan chungchangah inbiakna an nei dawn a, hemi hma chuan Karnataka hian tui pekchhuah hi a tum rih lo. State pahnih meeting-a thurel dan angin hma lak chhunzawm a ni ang.