Ghana university-in Gandhi lim dahbo duh

University of Ghana-a zirlai ṭhenkhat chuan Mahatma Gandhi chu mihang te thliarhrangtu nia sawiin, an campus-a a lim dah pawh chu dahbo an phut. Thla thum kalta khan Gandhi lim hi President Pranab Mukherjee chuan Ghana University hnenah hian a hlan a ni.

Gandhi lim dahbo phuta hmalakna hi Professor Akosua Adomako Ampofo-i, Institute of African Studies director hlui hoa neih a ni a, zirlai leh zirtirtu eng emaw zatin an thlawp a ni. Gandhi hian a lehkha ziakah African mihangte chu 'kaffir' tiin a sawi a, hei hian chi a thliarhrna zia a tilang a ni, an ti.