Cabinet-in Clean Ganga Mission thuneihna sang pe

Union Cabinet chuan Ganga lui thenfaina tura hmalakna kal zelah, National Mission for Clean Ganga chu thuneihna sang zawk pein, lui tihbawlhhlawhna kawnga mawhphurtute hrem leh chawi tir thei turin thuneihna a pe. Ahma chuan he hremna hi Central Pollution Control Board chauhin a lekkawh thei a ni.

Water Resources Minis-ter Uma Bharti chuan, "Environment Protection Act thuneihna pawh kan duh a, hei hi pek kan nih chuan lui tihbawlhhlawhna kawnga mawhphurtu 90% chu kan chingfel thei dawn a ni" a ti.

Ganga lui thenfaina tura sorkar laipui flagship prog-ramme, National Mission for Clean Ganga (NMCG) atan hian cheng vaibelchhe 20,000 ruahman a ni a, kuminah project 230 atan sum pawh pekchhuah ni tawh mah se, hmasawnna a la awm lo hle. NMCG hi dan kengkawh tura thuneihna pek a nih loh avangin harsatna awmte chinfel a harsa niin Water Ministry chuan a sawi.

NMCG hi thuneihna pek a nih tak avangin two-tier management structure a nei tawh dawn a, Director kaihhruai governing council bakah State-level committee te a awm ang.