CBSE-in 2026 aṭangin exam kalphung thlak danglam

Central Board of Secondary Education (CBSE) chuan Thawhlehni khan exam kaihhruaina dan thar duan a pawm. He kaihhruaina tharah hian 2026 aṭangin Class-10 tan kumkhat chhungin board exam vawihnih buatsaih tum a ni.

Official-te report aṭanga a lan danin exam buatsaih hmasa zawk hi February 17- March 9-ah buatsaih ṭhin tura tih niin, thawh hnihna hi May 5 - 20 chhunga neih tura tih a ni bawk.Zirlai exam-te chuan an exam ṭhuanghniha buatsaihah exam centre ngai ve ve-ah exam hi an nei thei dawn niin an tarlang.

He kaihhruaina thar duan hi vantlang huapah dah chhuah niin, stakeholder-te tan policy tih fel a nih hma, March 9 thleng ngaihdan sawina hun hawn a ni.

"Exam vawi hnih buatsaihah hian syllabus zawng zawng aṭangin zirlaite chuan exam an hmachhawn anga, exam vawihnihah hian centre ngaiah zirlai ten exam an hmachhawn bawk ang. Exam fee hi a hran ve vein pek a ngai bawk ang" tiin senior board offcial chuan a sawi.

CBSE Board exam buatsaih pahnihte hi suplementary exam anga kalpui tur niin, board hian special exam dang an buatsaih tawh dawn lo thung. National Education Policy(NEP) tharin a phut angin heng board exam ṭum hnih buatsaih hi senso tam ṭhin tak tih bona tur atana ruahman a ni. NEP-ah hian zirlai zawng zawngte chu sikul kal kum khat chhungin vawi hnih thleng exam neih phalsak an ni ang tih a ni.