Pakistan aṭanga luh ruk tum Punjab ramriah kap hlum

Border Security Force(BSF) chuan nimin, Nilaini zing khan Punjab-a international border bul Pathankot-ah Pakistan mi, India-a luh ruk tum an kap hlum.

BSF hian India-Pakistan inkar international border hi an veng a, helai bakah hian km 553-a thui Punjab huamchhunga mi pawh an vil tel vek a ni.

Nimin thil thleng chungchangah hian BSF chuan sawifiahin, ramria outpost Tashpatan huam chhungah thil nih dan phung pangngai lo deuh an hmuh chu belchiangin, ramri kana India rama luh ruk tum chu hriattirna an pe chungin a kal lui zel a, hei vang hian an kap ta niin a tarlang. An mi kahhlum hi a nihna kimchang erawh tarlan a ni lo.

BSF chuan he thil thleng chungchangah hian Pakistan border force, Pakistan Ranger lakah pawh an lawm loh thu hriattir an tum tih an sawi. February 23 khan BSF hian intelligence lam aṭanga thu an dawn bawhzuiin, ramri kana India rama rawn luh tum mi eng emaw zat an lo dang tawh bawk.