Chhanchhuah hna thawktuten SLBC leiverh tawp thleng

Telangana-a Srisailam Left Bank Canal (SLBC) leiverh, Nagarkkunool hmuna chima tangte chhanchhuah hna thawktute chuan kawng hrang hranga hma an lak hnuah nimin khan leiverh tawp an thleng.

Leiverh hi kar liam ta Inrinnnia chim kha a ni a, thawktu mi pariat an tang a ni. Nimin thleng khan heng mite hi an chin hriat a la ni lo.

Chhanchhuah hna thawktu te hian meter 50-a thuk, leiverh an luh hnu hian hnawmhnawk tam tak awm vangin hna thawh a harsa hle niin an sawi. Leiverh chhungah hian State Disaster Response Force (SDRF), National Disaster Response Force (NDRF) leh Rat Miners, an vaiin mi 20 lutin, leiverh kaw tawp hi an thleng thei. Mi tang hnuhma engmah an hmu lo niin an sawi.

Nagarkurnool Police Superintendent, Vaibhav Gaikwad chuan "Hmalak dan tur buaipui mek a ni" tiin an dinhmun a sawi a, team-te hian zawn hna thawk mah se, hmasawnna an nei rih lo niin a sawi a ni.

Leiverh chim avanga chirh in chhekkhawlte chu a khawro ṭan avangin chhanchhuah hna thawk tur hian uisathiam hman a nih tur thu district collector B Santhosh chuan a sawi. Leiverh chhung leilung awmdan zirchiang turin Telangana sorkarin National Centre of Seismology ah ngenna a thlen bawk.