A ṭum 7-nan BCI Chairman atan Manan Kumar Mishra thlang

Senior Advocate leh Bihar aṭanga BJP aiawh Rajya Sabha MP ni bawk, Manan Kumar Mishra chu Bar Council of India(BCI) Chairman atan thlan a ni. Mishra hi a zawna ṭum sarih chairman tura thlan a nihna niin chuhtu awm loa thlan tlin a ni.

BCI hnuaiah hian Vice Chairman post ruak chu March 2, nimin Pathianni khan thlan leh tura ruahman a ni. Vice Chairman hi chairman thlan thar Misra kaihhruaina hnuaiah hian executive committee member ten an thlang ang. Vice chairman post hi S Prabhakaran leh Ved Prakash Sharma ten an chuh a ni.

Chariman thlan thar Misra kaihhruaina hnuaiah hian May 17-ah rampum huap meeting neih a ni ang. Meeting-ah hian advocate aiawhte bakah state bar council member-te an tel dawn a ni. Meeting hian a tum ber chu Advocate Protection Act, hun rei tak aṭanga ngaihtuah tura tih chu sawiho a ni anga, hei bakah hian legal profession leh advocate welfare chungchanga harsatna awmte sawi ho tum a ni bawk.